Avropa Komissiyasının keçmiş prezidenti Jan-Klod Yunker Ukraynaya Avropa İttifaqıbna "qismən üzvlük" ideyasını irəli sürüb. Belə ki, Avropa İttifaqına tam üzv olmaq üçün hələ də çox sayda transformasiyalar lazımdır.
Qaynarinfo xəbər verir ki, bu barədə "Yevropeyska pravda” DPA-ya istinadən məlumat yayıb.
2014-2019-cu illərdə Avropa Komissiyasına başçılıq etmiş Jan-Klod Yunker Ukraynanın Aİ-də "qismən üzvlük” ideyasını təklif edib. Belə olan halda Ukrayna Avropa İttifaqının bəzi daxili proseslərində iştirak edə biləcək, lakin səs hüququna malik olmayacaq.
"Ukrayna çox tez bir zamanda Aİ-yə üzv ola bilməyəcək. Ukraynada korrupsiyadan tutmuş qanunun aliliyi sahəsinə qədər həll olunmamış bir çox problem var ki, Kiyevin alyansa daxil olması barədə ciddi danışmazdan əvvəl həll edilməlidir", deə Yunker bildirib.
Onun fikrincə, Ukrayna üçün belə "qismən üzvlük” formatı onun Avropaya inteqrasiya işinin avropalı tərəfdaşlar tərəfindən tanınması siqnalı olardı.
Xatırladaq ki, Yunker analoji bəyanatla bir əvvəl də çıxış edib. Avropa Komissiyasının keçmiş rəhbəri bildirib ki, avropalı tərəfdaşlar ukraynalılara Aİ-yə sürətli üzvlüyə dair "yalan vədlər" verməməlidirlər və ölkə, xüsusən də "cəmiyyətin bütün səviyyələrində korrupsiya" səbəbindən hələ üzv olmağa hazır deyil.
Nizami Bağırov
