“Əlbəttə, komandamızı çox çətin səfər oyunu gözləyir”.
Bu sözləri Sportinfo.az-a açıqlamasında millinin müdafiəçisi Elvin Cəfərquliyev söyləyib.
Bu gün Azərbaycan komandası EFA Millətlər Liqasının cari mövsümündəki son oyununa çıxacaq.
Fernandu Santuşun rəhbərlik etdiyi yığmamız səfərdə İsveçin qonağı olacaq.
5 turdan sonra 1 xalı olan millimiz qrupda sonuncu, İsveç isə 13 xalla birincidir.
Qrup sonuncusu kimi D Liqasına düşməmək üçün komandamız bu gün səfərdə İsveçə qalib gəlməlidir.
Bu halda belə Azərbaycan millisi öz qrupunda sonuncu olacaq (Estoniya şəxsi oyunda bizdən üstün olduğu üçün), amma xalını 4-ə yüksəltməklə ən yaxşı nəticəyə malik iki qrup sonuncusundan biri olacaq.
Bu isə milli komandaya D liqasına düşməmək üçün həmin liqanın iki qrup ikincisi ilə pley-off matçında iştirak imkanı yaradacaq.
Estoniya ilə ətən görüşdə sarı vərəqə limitini dolduran Elvin bu gün meydanda olmayacaq. İndiki psixoloji durumla qarşıdakı oyunda milli nəyə ümid edəcək?
Onu dinləyək:
“Ağır oyun olacaq. Üzülürəm ki, komanda yoldaşlarımın yanında olmayacam.
Amma inanıram ki, komandamız bu yükü qaldıra biləcək. İçimdə belə bir hiss var. Yenə də yaxşı sonluğa ümid edək”.
