Avropa İttifaqı Ukraynanı sursatla təmin etməyə davam edəcək. RİA Novosti-nin verdiyi məlumata görə, bunu Avropa diplomatiyasının rəhbəri Xosep Borrell Aİ müdafiə nazirlikləri rəhbərlərinin Brüsseldə keçirilən görüşünün yekunları üzrə bildirib.

Borrell jurnalistlərlə söhbəti zamanı deyib ki, bir neçə gün əvvəl Birlik ölkələri Kiyevi milyonlarla sursatla təmin etmək tapşırığını praktiki olaraq başa çatdırıb. O vurğulayıb ki, Aİ ölkələri dayanmayacaq və Ukrayna ordusunu mərmilərlə təmin etməyə davam edəcək.Xatırladaq ki, 2023-cü ilin fevralında Borrell Aİ ölkələrinin bir il ərzində Kiyevə bir milyon artilleriya mərmisi verəcəklərini vəd etmişdi. Lakin 2024-cü ilin martına qədər Avropa Komissiyası vədin yerinə yetirilə bilməyəcəyini etiraf etdi. Martın ortalarında Ukrayna hakimiyyət orqanları vəd edilən mərmilərin yalnız 400 minini aldıqlarından şikayətləndi.
Noyabrın 19-da Almaniyanın müdafiə naziri Boris Pistorius bildirib ki, Ukrayna guya artilleriya mərmilərinin sayına görə Rusiya Federasiyası ilə paritetə ​​çatıb. Onun sözlərinə görə, cəmi bir neçə ay əvvəl nisbət Rusiyanın xeyrinə idi.

aia.az
Tərcümə şöbəsi

• Ukrayna
• Tədarük
• Sursat
• Borrell
• Ai̇