2021-ci ilin yayında Canluici Buffon "Yuventus"dan "Parma"ya qayıdıb.
90deqiqe.Az "Corriere della Sera"ya istinadən xəbər verir ki, keçmiş futbolçu həmin dönəmdə "Barselona"dan təklifi aldığını lakin sabiq klubunu seçməyə üstünlük verdiyi üçün bunu qəbul etmədiyini bildirib.
“Mənə “Barselona”da ikinci qapıçı olmaq təklifi gəldi. Ronaldo ilə eyni komandada olduqdan sonra Messi ilə birlikdə oynamaq fikri xoşuma gəldi. Amma bir gün maşın sürdüm və radioda bəyəndiyim, on ildir eşitmədiyim “Bella” mahnısı səsləndi. Başımı qaldırdım və yolda bir işarə gördüm - "Parma". Bu bir işarə idi. Ona görə də hər şeyin başladığı yerə getdim”
Canluici Buffon 2023-cü ildə karyerasını başa vurub.
