Aparıcı Vüsalə Əlizadə şəxsi həyatı ilə bağlı açıqlaması ilə diqqət çəkib.
OLAY yazır ki, bu haqda televiziya ulduzu instaqram səhifəsində izləyicilərdən gələn sualları cavablayarkən danışıb.
Onlardan birinin “Çox gözəlsiniz Vüsalə xanım. Həyatınızda biri olmalı” sözlərinə Vüsalə belə reaksiya verib:
“Çox təşəkkür edirəm. Sualın ikinci tərəfinin cavabı isə yoxdur. İnanın səmimiyyətimə… Rahat etiraf edə biləcək yaşdayam amma heç bir insanın belə bir məcburiyyəti də yoxdur ki, mütləq həyatında kimsə olmalıdır. Bu sualı verənlərin də əksəriyyəti xanımlardır. Gözəllik hər şeyi həll etmir qızlar. Bu həyatda qalıcı şeylərlə tutunun. Sevgi, dəyər, güvən və paylaşmaq qarşılığında var olur. Əgər bunun biri yoxdursa heç nədən söhbət gedə bilməz”.
Qeyd edək ki, illər əvvəl aparıcı Azər Zahidlə ailəli olan Vüsalə ondan boşanıb. Cültüyün bu münasibətlərindən Dilək adlı bir qız övladı var.
