“Neftçi”nin oyunçusu Kilan Lebon Sent Martin yığmasında növbəti matçını keçirib.
Msport.az xəbər verir ki, 27 yaşlı vingerin komandası KONKAKAF Millətlər Liqasında B Divizionunun 6-cı turu çərçivəsində Qrenadanın qonağı olub.
Lebon meydana start heyətində çıxıb və sona qədər oynayıb.
Onun komandası 3:0 qalib gəlib. Lebon bu görüşdə dublla yadda qalıb.
Ancaq yekunda Lebonun millisi B Divizionunda yerini qoruya bilməyərək 6 xalla qrup sonuncusu olub və C Liqasına düşüb.
