Aktyor, ssenarist Müşfiq Şahverdiyevə hökm oxunub.
Ucnoqta.az xəbər verir ki, Gununsesi.info-nun aktyora yaxın mənbələrdən əldə etdiyi məlumata görə, "Cinemazadeh" şirkətinin rəhbəri Cəfər Axunzadə komediya aktyorunu məhkəməyə verib.
Belə ki, həmin şəxs Müşfiq Şahverdiyevin Cinayət Məcəlləsinin 147 (Böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində yayma) və 148 (təhqir) maddələri ilə həbs edilməsini tələb etsə də, işə baxan Xətai Rayon Məhkəməsi bu iddianı qismən təmin edərək, onu Cinayət Məcəlləsinin 148-ci (təhqir) maddəsi ilə təqsirli bilib və 1500 manat məbləğində cərimə edib.
