2024-cü ilin 10 ayı ərzində (yanvar-oktyabr) Azərbaycanın xarici ticarət əməliyyatlarının cəmi həcmi 39 milyard 378 milyon 679 min ABŞ dolları təşkil edib.
Marja.az bu barədə Dövlət Gömrük Komitəsinin aylıq hesabatına istinadən xəbər verir.
O cümlədən, ixrac 22 milyard 742 milyon 284 min ABŞ dolları, idxal 16 milyard 636 milyon 395 min ABŞ dolları, saldo müsbət 6 milyard 105 milyon 889 min ABŞ dolları olub.
Müqayisə üçün qeyd edək ki, 2023-cü ilin 10 ayı ərzində Azərbaycanın xarici ticarət əməliyyatlarının həcmi43 milyard 520 milyon 185 min ABŞ dolları, o cümlədən, ixrac 29 milyard 345 milyon 994 min ABŞ dolları, idxal 14 milyard 174 milyon 191 min ABŞ dolları, saldo müsbət 15 milyard 171 milyon 804 min ABŞ dolları təşkil etmişdi.
