"Biz COP29-un iqlim fəaliyyəti üçün Su Bəyannaməsini dəstəkləyirik".
APA xəbər verir ki, bunu COP29 çərçivəsində keçirilən "İqlim, Təbiət və İnsanlar üçün Su Həyat Xəttinin Təbliği" yüksək səviyyəli açılış tədbirində çıxışı zamanı Almaniyanın Ətraf Mühit, Təbiəti Mühafizə, Nüvə Təhlükəsizliyi və İstehlakçıların Hüquqlarının Müdafiəsi üzrə Federal Naziri Steffi Lemke deyib.
O bildirib ki, Bakı dialoqu məqsədli müzakirələrə və real addımlar atılmasına töhfə verə bilər:
“İkincisi, su məsələsi bütün siyasət sahələrinə inteqrasiya edilməlidir. Su siyasəti milli uyğunlaşma planlarına sistematik şəkildə inteqrasiya edilməlidir. Su idarəçiliyi sahəsində bir-birimizdən çox şey öyrənə bilərik. Mən əminəm ki, Bakı Dialoqu bu məqsəd üçün vacib bir platforma təmin edəcək. Almaniya bu dialoqda iştirak etməyi səbirsizliklə gözləyir. Gəlin suyumuzu həyat mənbəyi kimi qorumaq üçün birlikdə çalışaq”.
