"Bayer Leverkuzen"in gənc yarımmüdafiəçisi Florian Virts gələn yay klubunu dəyişə bilər.
90deqiqe.Az-ın “Caught Offside”ya istinadən məlumatına görə, 21 yaşlı futbolçu yay transfer pəncərəsində “Mançester Siti”yə keçə bilər. İngiltərənin hazırkı çempionu alman yarımmüdafiəçi üçün təxminən 120 milyon avro ödəməyə hazırdır.
Virts özü "Real" və ya "Barselona"ya deyil, "Siti"yə keçmək istəyir. Mançester klubunda alman belçikalı Kevin de Bruynenin əvəzləyicisi ola bilər.
Xatırladaq ki, Florian Wirtz bu mövsüm Almaniya çempionatında “əczaçılar”ın heyətində on görüş keçirib, həmin görüşlərdə dörd qol vurub və iki məhsuldar ötürmə edib.
