Çinin Hunan əyalətində təxminən 82,8 milyard dollar dəyərində qızıl ehtiyatı aşkar edilib. Bu barədə “Sinxua” agentliyi məlumat verib. Xəbəri “İzvestiya.ru” yayıb.
“Geoloqlar Pintszyan əyalətindəki Vanqu qızıl yatağının altında 2 min metr dərinlikdə 300 ton qızıl ehtiyatı olan 40-dan çox qızıl damarı aşkar ediblər”, - deyə Hunan əyalətinin Geoloji Xidmətindən bildirilib.
Materiala görə, 2 min m dərinlikdə əsas kəşfiyyat zonasındakı mədəndə 1 ton filizdə qızılın ən yüksək miqdarı 138 qramdır.
Bundan əvvəl, noyabrın 14-də Britaniyanın "Daily Express" tabloidi Türkiyənin Tarsus şəhərində qəbirqazanlar tərəfindən içərisində gümüş sikkələr olan qədim küp aşkar edildiyi barədə məlumat yayıb. Mütəxəssislər qabların içərisində 1,1 minə yaxın sikkə aşkar ediblər.
P.ƏMİRCANOV
XQ
