Ədliyyə Nazirliyinin Penitensiar Xidmətində növbəti kadr dəyişikliyi olub.    Manset.az-ın əldə etdiyi məlumata görə, ədliyyə naziri Fərid Əhmədovun müvafiq əmri ilə ədliyyə nazirinin sabiq müavini, general-mayor Aydın Qasımovun oğlu Rauf Qasımzadə Penitensiar Xidmətin rəisi general-mayor Mirsaleh Seyidovun müşaviri təyin edilib. Qeyd edək ki, o bundan əvvəl Azərbaycan Yerüstü Nəqliyyat Agentliyində çalışıb. Xatırladaq ki, Aydın Qasımov uzun illər ədliyyə orqanlarında yüksək vəzifələrdə - Penitensiar Xidmətin rəisi, Məhkəmə Qərarlarının İcrası Baş İdarəsinin rəisi vəzifəsində çalışıb. *** Manset.az Qafqazinfo-ya istinadən bildirir ki, Penitensiar Xidmətin İctimaiyyətlə əlaqələr şöbəsindən bildirilib ki, qurumun ştatında Penitensiar Xidmətin rəisinin müşaviri vəzifəsi yoxdur: “Rauf Qasımzadə Ədliyyə Nazirliyinin Strateji planlaşdırma və monitorinq İdarəsində Penitensiar xidmət rəisinin köməkçisi vəzifəsinə təyin edilib”.