Tədbir iştirakçıları ilk öncə Ümummilli Lider Heydər Əliyevin abidəsini ziyarət edərək, abidə önünə tər çiçəklər düzdülər.
Daha sonra tədbir iştirakçıları tərəfindən Heydər Əliyev Mərkəzində hazırlanmış sərgi və eksponatlara baxış keçirildi.
Tədbirdə Müasir Azərbaycan dövlətinin memarı, Yeni Azərbaycan Partiyasının banisi, Ulu Öndər Heydər Əliyevin və torpaqlarımız uğrunda canlarını qurban vermiş qəhrəman şəhidlərin əziz xatirəsi bir dəqiqəlik sükutla yad edildi.
Tədbiri giriş sözü ilə açan Rayon İcra Hakimiyyətinin başçısı Sevindik Hətəmov çıxış edərək əvvəlcə tədbir iştirakçılarını təbrik etdi, daha sonra qeyd etdi ki, Ulu Öndərin siyasi kursunu uğurla, yaradıcılıqla, müasir dünyanın siyasi nəbzini tutmaqla davam etdirən ölkə prezidenti, Yeni Azərbaycan Partiyasının sədri cənab İlham Əliyev YAP-nın fəaliyyətinə böyük əhəmiyyət verir, partiya quruculuğunu və partiyanın inkişafını daim diqqət mərkəzində saxlayır, YAP-nı Azərbaycanın müasir tarixinin fenomeni hesab edir. Cənab Prezident dəfələrlə vurğulamışdır ki, dahi Heydər Əliyevdən sonra YAP-a rəhbərlik etmək onun üçün ən böyük məsuliyyət və ən böyük şərəfdir. Çünki YAP Heydər Əliyev siyasi məktəbidir, siyasi arenada Heydər Əliyev dəst-xətti, Heydər Əliyev üslubudur. Ulu Öndərin unikal fikir və düşüncələrini xalqa çatdıran, cəmiyyətə ötürən qüdrətli bir siyasi təşkilatdır. Azərbaycanı zəfərlərdən-zəfərlərə qovuşduran Yeni Azərbaycan Partiyası Heydər Əliyev irsinin tükənməz xəzinəsidir, Heydər Əliyevin həmişəyaşar, parlaq ideyalarının daşıyıcısıdır. Yeni Azərbaycan Partiyasının 32 illik yüksəliş yolu ölkəmizin yaxın keçmişinin şərəfli salnaməsidir, vətənə, xalqa, dövlətə xidmət nümunəsidir.
Daha sonra çıxış edən YAP Hacıqabul rayon təşkilatının sədri İsmayıl İbrahimov Yeni Azərbaycan Partiyasının keçdiyi 32 illik şərəfli və çətin yoldan söz açdı. Natiq bildirdi ki, dövlətçiliyimizi uca tutan, müstəqilliyimizi daimi, əbədi və dönməz olmasını təmin edən YAP Azərbaycanın siyasi palitrasında analoqu olmayan, rəqib tanımayan, alternativsiz siyasi güc mənbəyidir, monolit və avanqard siyasi təşkilatdır. Cəmiyyətdə böyük nüfuza malik olan, xalq tərəfindən dəstəklənən YAP müstəqil Azərbaycan dövlətinin sürətli inkişafının və yüksəlişinin rəmzidir. YAP gündən günə müasirləşən, yeniləşən güclü və qüdrətli Azərbaycanın qazandığı nailiyyətlərin bələdçisi, sükançısı, istiqamətverici siyasi istinadgahdır. Ölkəmizin nail olduğu hədəflərdə, əldə etdiyi uğurlarda YAP-nın və onun üzvlərinin özünəməxsus müstəsna rolu vardır. Ulu Öndər, zamanın və tarixin zirvəsinə yüksələn fenomen şəxsiyyət Heydər Əliyevin illər öncə söylədiyi “YAP dünənin, bu günün və gələcəyin partiyasıdır” sözləri bu gün daha real, daha müasir səslənir, hələ uzun illər bundan sonra da öz aktuallığını qoruyub saxlayacaqdır. Çünki YAP Azərbaycanın şərəfli keçmişinin, uğurlu bu gününün və parlaq gələcəyinin, nurlu-işıqlı sabahlarının müəllifidir.
Tədbirdə Rayon Ağsaqqallar Şurasının sədri, YAP veteranı Sahib Aslanov çıxış edərək bildirdi ki, xalqımızın Ümummilli lideri Heydər Əliyevin vətənimiz, xalqımız qarşısında göstərdiyi misilsiz xidmətlərindən biri müstəqil Azərbaycan dövlətinin xilaskarı, banisi olmaqdırsa, digər misilsiz xidməti onun YAP-nı yaratmasıdır. Başqa sözlə, Ulu Öndərin bir dahiyanə şah əsəri gündən-günə çiçəklənən, zənginləşən müstəqil Azərbaycan dövlətidirsə, digər unikal əsəri, bizə bəxş etdiyi möhtəşəm abidə Yeni Azərbaycan Partiyasıdır. YAP Azərbaycan vətəndaşlarına ən böyük xəzinəni, ən böyük sərvəti bəxş etmişdir. Bu sərvətin, bu nemətin adı ictimai-siyasi təhlükəsizlik və əmin-amanlıqdır.
5Mənbələr
-
apress.azHacıqabulda YAP-ın 32 illiyi qeyd edildi – FOTO ( 13254811)
-
hokm.azHacıqabulda YAP-ın 32 illiyi qeyd edildi – FOTO ( 13254766)
-
modern.azHacıqabulda YAP-ın 32 illiyi qeyd edildi - FOTO ( 13252537)
-
demokrat.azHacıqabulda Yeni Azərbaycan Partiyasının təsis edilməsinin 32 illiyi münasibəti ilə tədbir keçirildi — FOTOLAR ( 13252330)
-
demokrat.azHacıqabul rayonunda Yeni Azərbaycan Partiyasının təsis edilməsinin 32 illiyi münasibəti ilə tədbir keçirildi — FOTOLAR ( 13252291)
