Portuqaliyada bir təyyarə yük anbarında olan 132 hamsterin zədələnmiş qutulardan qaçdıqdan sonra dörd gün ərzində havaya qalxa bilməyib.Yerli mətbuatın məlumatına görə, noyabrın 13-də Lissabondan Portuqaliyanın Azor adalarının San-Miqel adasına uçan təyyarə hamster, sansarlar və qəfəsli quşlarla birlikdə nəqliyyat qutularında zoo mağazaya çatdırılmalı idi.Lakin Ponta Delqada hava limanına çatan zaman hamsterlərin olduğu qutuların zədələndiyi və boş olduğu müşahidə edilib.Təyyarə təhlükəsizlik tədbirləri səbəbindən yerə endirilib və heyət 132 hamsteri tutmağa çalışıb.Hamsterlər yük anbarında gizlənib və əməkdaşların onları tapması bir neçə gün çəkib. Nəhayət, qalan 16 hamster bazar günü tutulub.Bütün hamsterlər tutulduqdan sonra Airbus A321neo təyyarəsi heç bir sərnişin daşımadan Lissabona qayıdıb. "TAP Air Portugal" hamsterlərin təyyarədə ciddi ziyana səbəb olub-olmadığını yoxlamaq üçün hərtərəfli yoxlama aparacağını açıqladı.Bu hadisə Los-Ancelesə uçan təyyarədə oxşar vəziyyətlə üst-üstə düşüb.Oktyabr ayında sosial mediada yayılan videoda təyyarənin içərisindəki işıq qurğusunda siçovul və ya buna bənzər gəmiricinin göründüyü anlar paylaşılıb.Mənbə: Independent
