Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Cozef Borel Beynəlxalq Cinayət Məhkəməsinin (ICC) İsrailin baş naziri Benyamin Netanyahu və keçmiş müdafiə naziri Yoav Qalanta qarşı həbs qərarına münasibət bildirib.
APA Anadolu Agentliyinə istinadən xəbər verir ki, Borel sözügedən şəxslərin həbsi ilə bağlı qərara hörmət edilməli və icra edilməli olduğunu bildirib.
İordaniyada səfərdə olan Borel Beynəlxalq Cinayət Məhkəməsinin qərarını dəstəkləyib.
Qərarın siyasi olmadığını bildirən Borel, bütün Avropa Birliyi ölkələri daxil olmaqla bütün məhkəməyə üzv dövlətləri qərarı icra etməyə dəvət edib.
