Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 14-cü turuna start verilib.
Arena.az xəbər verir ki, ilk oyun günündə bir qarşılaşma baş tutub.
Turun açılış oyunu Tovuzda keçirilib. Məlum səbəblərdən ev oyunlarını Tovuz şəhər stadionunda keçirmək məcburiyyətində qalan “Kəpəz” digər didərgin komandanı – “Araz-Naxçıvan”ı qəbul edib. Qarşılaşmanın baş hakim Elçin Məsiyev olub.
Sözügedən komandalar yubiley (10) matçında üz-üzə gəliblər. Tərəflərin əvvəlki 9 oyununda heç-heçə qeydə alınmamışdı. “Kəpəz”in 6, “Araz-Naxçıvan”ın isə 3 qələbəsi vardı. “Kəpəz” evdəki bütün matçlarda qol sevinci yaşamışdı.
Cari mövsümdə isə Naxçıvan təmsilçisi iddialı çıxışı ilə diqqət çəkdiyi halda, Gəncə klubu çempionatın aşkar autsayderidir. “Araz-Naxçıvan” bu oyundan öncə 30 xalla lider “Qarabağ”dan cəmi 1 xal geridə – 2-ci pillədə qərarlaşmışdı. “Kəpəz” isə 7 xalla 10-cu idi.
Bu oyunda da sevinən tərəf “Araz-Naxçıvan” olub. Səfərdə inamlı qələbə qazanan Naxçıvan klubu ən azı bir günlük də olsa, zirvəyə yüksəlib.
Premyer Liqa
14-cü tur
22 noyabr
“Kəpəz” – “Araz-Naxçıvan” 0:2
Qollar: Felipe Santos, 25. Bernardo Dias, 85.
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov.
Tovuz şəhər stadionu, 17:00.
Kəpəz: 1. Rojerio Santos, 11. Orxan Əliyev, 7. Ehtiram Şahverdiyev, 12. Turan Manafov, 5. Rauf Hüseynli, 26. Valdemar Almeyda, 9. Luis Paçu, 29. Dioqo Verdaska, 78. Yeqor Xvalko (k), 3. Mahamadu Ba, 77. Viktor Braqa.
Ehtiyat oyunçular: 22. Məmməd Hüseynov , 80. Tural Rzayev, 99. Əli Səmədov, 70. Nicat Suleymanov, 20. Mahir Həsənov, 21. Camal Cəfərov, 17. Ümid Səmədov, 15. Cavad Kərimov, 97. Nicat Məmmədov, 10. Karim Lkuça, 19. Lassana Ndiaye.
Baş məşqçi: Azər Bağırov.
Araz-Naxçıvan: 13. Kristian Avram, 5. Qara Qarayev, 3. Bəxtiyar Həsənalızadə, 2. Slavik Alxasov, 26. Ömər Buludov, 16. Ramon Maçado, 21. Sezar Meza Kolli, 29. Vanderson Melo, 23. Nuno Rodriqes, 4. İqor Ribeyro (k), 97. Felipe Santos.
Ehtiyat oyunçular: 13. Tərlan Əhmədli, 7. Ülvi İsgəndərov, 22. Elçin Mustafayev, 20. Turan Vəlizadə, 24. Mustafa Əhmədzadə, 71. Sənan Ağalarov, 17. İssuf Paro, 14. Miço Kuzmanoviç, 10. Bernardo Dias.
Baş məşqçi: Elmar Baxşıyev.
