Yəmənin şimalını idarə edən şiə “Ənsar Allah” (Husi) hərəkatı “Fələstin 2” hipersəs ballistik raketi ilə İsrailin cənubundakı Negev bölgəsindəki İDF Nevatim hava bazasına hücum etdiyini açıqlayıb.
Hərəkatın hərbi komandanlığının sözçüsü Yəhya Saria zərbənin hədəfə çatdığını bildirib.
İsrail ordusu noyabrın 22-nə keçən gecə Negev bölgəsinin cənubunda “şübhəli hava-desant obyekti” aşkar edildiyini bildirib. Daha sonra İDF bəyan edib ki, “insident bitib” və itki yoxdur.
Husilər Fələstinin HƏMAS hərəkatına dəstək olaraq İsraili və onunla əlaqəli gəmiləri hədəf alır. Noyabrın 12-də hərəkat Ərəbistan və Qırmızı dənizlərdə təyyarədaşıyan gəmiyə və ABŞ-ın iki esminesinə zərbə endirdiyini elan edib. ABŞ Müdafiə Nazirinin Satınalmalar və Silah Dəstəyi üzrə müavini Uilyam LaPlante bildirib ki, husilər getdikcə daha mürəkkəb silahlarla silahlanır və onların raketləri “heyrətləndirici işlər görə bilər”.
//Samir Qurbanov, Editor.az
