Misli Premyer Liqasının XIV turunun "Turan Tovuz" - "Sabah" matçından (1:1) sonra qonaqların baş məşqçisi Krunoslav Renduliçin mətbuat konfransı keçirilib.
"Bura qələbə üçün gəlmişdik. Təəssüflər olsun ki, buna müvəffəq olmadıq. Buna baxmayaraq, futbolçularıma təşəkkür edirəm. İlk hissədə daha yaxşı ola bilərdik. Son ötürmələrdə çatışmazlıq var idi. İkinci hissənin əvvəlində qol buraxdıq. Bu vəziyyətdən çıxmaq asan deyil. Futbolçularım təslim olmadılar. Bilirdik ki, çətin oyun olacaq. "Turan Tovuz" fiziki cəhətdən yaxşı komandadır. Birinci hissədə ikili mübarizələrdə rəqibə uduzurduq".
- Xal fərqinin artması sizi narahat etmir?
- Əlbəttə ki, bizi çox narahat edir. Yeddi oyundur qalib gələ bilmirik. Üçüncü yerlə aramızda 8 xallıq fərq var. Böyük də görünə bilər, kiçik də. Necə yanaşmağımızdan asılıdır. Qələbə seriyasını yaxaladıqdan sonra fərqi aradan qaldıra bilərik. Bunun üçün potensial var.
- Enişin qarşısını almaq üçün hansı planınız var?
- Oyunumuza eniş deməzdim. Layiq olduğumuz xallardan az toplamışıq. Performansla bağlı nəsə deyə bilmərəm. Xal qazana bilmədiyimiz isə aydındır.
- Bəxtsizliyi necə aradan qaldırmağı düşünürsüz?
- Bir çox oyunlarda fürsətləri dəyərləndirə bilmədik. "Qarabağ"la matçda 3 real şansımız var idi. "Zirə" və "Neftçi" ilə matçlarda da. Bu, futboldur. "Kəpəz"lə görüşdə yüz faizlik epizodları vura bilmədik. Amma son saniyələrdə qapımızda qol gördük. "Mançester Siti" də 5 oyundur məğlub olur.
- Demişdiz ki, itirdiyimiz xallarla bağlı film çəkmək olar. Sizcə, həmin filmin baş rolunda kim olmalıdır?
- Elə hamımız. Son 6 matçda 12 real qol şansımız olub, cəmi 6 qol vurmuşuq. Rəqiblərimiz isə 4 vəziyyətdən 8 qol vurub.
Berdıyev onu komandasında istəyir - Özəl
U-18 millimiz Qəbələdə təlim-məşq toplanışı keçəcək
“Neftçi”nin futbolçusu: “Sevinirəm ki…”
Renatsız "Ankaragücü" derbidə məğlub oldu
Samir Abasov: “Küçədən gələn məşqçi də deyil, Avropa çempionudur”
