Gürcüstanda prezident seçkilərinin, eləcə də seçilən prezidentin andiçmə mərasiminin 2024-cü ildə keçirilməsi planlaşdırılır.
Yeniavaz.com xəbər verir ki, bu barədə jurnalistlərə Gürcüstan parlamentinin spikeri Şalva Papuaşvili məlumat verib.
“Biz prezidenti beş il müddətinə seçməliyik, buna görə də prezidentin bu müddətə seçilməsi üçün seçkilərin və andiçmə mərasiminin bu il keçirilməsi vacibdir”, - Papuaşvili bildirib.
Gürcüstanın qanunverici orqanının rəhbəri onu da əlavə edib ki, parlament prezident seçkilərinin dəqiq tarixini çərşənbə axşamı təyin edəcək.
