Filippinin paytaxtı Manilada baş verən yanğın nəticəsində ən azı 2 min ailə evlərini tərk edib."Sinxua" agentliyinin məlumatına görə, Filippin Hərbi Hava Qüvvələri, sahil mühafizə dəstələri və 30 yanğınsöndürən hadisə yerinə gəlib və yanğını nəzarət altına alıb.Manila Fəlakət Riskinin Azaldılması və İdarəetmə İdarəsi yanğının yerli vaxtla saat 14:00-da söndürüldüyünü açıqlayıb.Manila Yanğın Departamentindən Alejandro Ramos 2 min ailənin evsiz qalmasına səbəb olan yanğının səhər tezdən başladığını və yanğında təxminən 1000 evin məhv olduğunu bildirib.Ramos körfəzdən əsən güclü küləyin yanğının sürətlə yayılmasına səbəb olduğunu, dar küçələrin yanğına nəzarəti çətinləşdirdiyini bildirib.Yanğının baş vermə səbəblərinin araşdırılması üçün tətqiqatın aparıldığı bildirilib.
