Bu gün futbol üzrə Türkiyə çempionatında (Super Liqa) 2024/2025-ci illər mövsümünün 13-cü turuna yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında qeyri-sabit mövsüm keçirən “Trabzonspor” mövsümün aşkar autsayderinə çevrilmiş “Adana Dəmirspor”u qəbul edib. Trabzon təmsilçisi bu oyunda 5 cavabsız qolla qalib gəlib.
Beləliklə, 13 turdan sonra 34 xal toplamış “Qalatasaray” vahid liderdir. “Fənərbaxça” 29 xalla ikinci, “Samsunpor” 26 xalla üçüncü, “Eyüpspor” 22 xalla dördüncüdür. “Göztəpə” və “Beşiktaş” 21, “Sivasspor” 18, “Başakşəhər” və “Rizəspor” 16, “Trabzonspor, “Qaziantep”, “Kasımpaşa” və “Konyaspor” 15, “Antalyaspor” 14, “Kayserispor” 12, “Alanyaspor” və “Bodrumspor” 11, “Hatayspor” 7, “Adana Dəmirspor” isə 2 xal toplayıb.
Türkiyə, Super Liqa
13-cü tur
23 noyabr
Eyüpspor – Rizəspor 1:2
Qollar: A.Kutucu, 27 – Vareşanoviç, 55. Sou, 75.
Qaziantep – Başakşəhər 3:0
Qollar: Kozlovski, 28. Soresku, 45+3. Okereke, 75.
Kayserispor – Fənərbaxça 2:6
Qollar: Djiku, 43-öz qapısına. Kolovetsios, 56 – Tadiç, 7-pen. O.Aydın, 15; 26. En Nesiri, 63. Kostiç, 85. Şimanski, 88.
Bodrumspor – Qalatasaray 0:1
Qol: Batşuayi, 54.
24 noyabr
Sivasspor – Kasımpaşa 0:0
Konyaspor – Hatayspor 1:1
Qollar: Yevtoviç, 17 – Abubakar, 90.
Samsunspor – Alanyaspor 1:1
Qollar: Dimata, 35 – Kordova, 46.
Beşiktaş – Göztəpə 2:4
Qollar: S.Kılıçsoy, 3. Bokele, 9-öz qapısına – Bokele, 12. T.Altıkardeş, 32. Fofana, 82. Tiyaniç, 90+1.
25 noyabr
Trabzonspor – Adana Dəmirspor 5:0
Qollar: Çam, 3; 78; 84. Banza, 50; 54.
