“2025-ci ilin büdcəsində ətraf mühitin qorunması ilə bağlı tədbirlər üçün nəzərdə tutulan maliyyə vəsaitinin gələcəkdə daha da artırılması lazımdır”.
Busaat.az xəbər verir ki, bunu Milli Məclisin bu gün keçirilən plenar iclasında deputat Soltan Məmmədov deyib.
Onun sözlərinə görə, tullantıların düzgün zərərsizləşdirilməsi, bütün ölkə ərazisində müasir texnologiyaya əsaslanan təmizləyici sistemlərin qurulması, eyni zamanda tibbi tullantıların idarə olunması üçün əlavə imkanların yaradılması çox vacibdir.
