Türkiyənin energetika naziri Alparslan Bayraktar bildirib ki, Türkiyə Qazprombank vasitəsilə qaz alışı üçün ABŞ-dan istisna tələb edib.
“İki sahil” xəbər verir ki, bu barədə RİA Novosti məlumat yayıb.
“İrana qarşı sanksiyalar tətbiq olunanda təbii qaz alışına istisnalar qoyuldu. Biz ABŞ-dan da oxşar addımlar gözləyirik”, - deyə o, bildirib.
Onun sözlərinə görə, amerikalılar istisnalar verməsələr, o zaman sanksiyalar Rusiyaya deyil, Türkiyəyə zərər verəcək.
O əlavə edib ki, Türkiyə Xarici İşlər Nazirliyi bu məsələ ilə bağlı danışıqlar aparır.
