“İndiki “Lion” da çox yüksək səviyyəli komandadı” – Yassin Benzya

“Qarabağ” – “Lion” oyunu ərəfəsində keçirilən mətbuat konfransına ağdamlıların fransalı yarımmüdafiəçisi Yassin Benzya da qatılıb.

- Sabiq komandanız “Lion”a qarşı oyuna necə hazırlaşmısız?
- Maraqlı olacaq. İndi “Qarabağ”ın üzvüyəm. Mənim üçün xüsusi əhəmiyyət daşıyır. Çox vacib oyundu.

- Sizcə, hansı komanda daha güclüdü?
- Çox böyük fərq var. Klub prezidenti də dəyişib. Mən oynadığım zaman yüksək performans göstərirdik. Ancaq indiki “Lion” da çox yüksək səviyyəli komandadı.

- “Qarabağ”da oynamaq sizə hansı üstünlüklər verib?
- Bizim üçün Qarabağ sözünün mənası xüsusi əhəmiyyət daşıyır. Bu klubun şərəfini qorumağa çalışırıq.

- Xüsusi deyəndə nəyi nəzərdə tutursuz? Burda gördüyünüz yeniliklər haqda nə deyə bilərsiz?
- Biz hansısa kəşfiyyat məlumatları ilə məşğul deyilik. Baş məşqçimiz çox güclüdü. Mən xüsusi deyəndə müharibəyə görə “Qarabağ”ın Bakıda yerləşməsini nəzərdə tuturam.

- “Lion”a qarşı oynayacaqsız. Necə hissdi?
- Ən yaxşı şəkildə hazırlaşmışıq.“Qarabağ”ın adı xüsusi mahiyyət daşıyır deyə, sona qədər mübarizə aparacağıq. “Lion”u tərk edəndən sonra 3-4 dəfə fərqli komandaların heyətində onlara qarşı oynamışam.

RÖYANƏ OĞUZ