Noyabrın 27-də Sloveniyanın Nova-Qoritsa şəhərində “Uzaq sahillərdə” bədii filminin ilk dəfə sloven dilində nümayişi baş tutub.
Kulis.az xəbər verir ki, “Mixaylo” ləqəbi ilə tanınan əfsanəvi Sovet İttifaqı Qəhrəmanı Mehdi Hüseynzadənin (1918-1944) vəfatının 80 illiyinə həsr olunmuş nümayiş Şempas qəsəbəsinin mədəniyyət mərkəzində keçirilib.
Azərbaycan Kinematoqrafçılar İttifaqının dəstəyilə tərcümə edilmiş filmin nümayişi Azərbaycan-Sloveniya Dostluq Cəmiyyətinin təşkilatçılığı ilə həyata keçirilib. Filmi AKİ-nin katibi Tahir Tahiroviç tamaşaçılara təqdim edib
Şəhər ictimaiyyətinin və veteranların iştirakilə baş tutan tədbir maraqla qarşılanıb.
