...Rusiyanın Qərb hədəflərinə qarşı təxribatı NATO-nun Alyans Nizamnaməsinin 5-ci maddəsinə müraciət etmək imkanını nəzərdən keçirməsinə səbəb ola bilər.
SİA-nın əldə etdiyi məlumata görə, bu fikri Almaniya Federal Kəşfiyyat Xidmətinin rəhbəri Bruno Kal bildirib.
O, həmçinin qeyd edib ki, Rusiyanın hərbi güclənməsi “NATO ilə hərbi qarşıdurmanın Kreml üçün bir seçimə çevrilməsi” deməkdir.
...“Reuters” vurğulayır ki, NATO və kəşfiyyat xidmətləri Avro-Atlantik regionda kiberhücumlardan tutmuş yanğına qədər təxribatların arxasında Rusiyanın dayandığını göstərir və onun hərəkətlərinin sayı getdikcə artır. Eyni zamanda, Moskva ona qarşı irəli sürülən ittihamları rədd edir.
Kal həmçinin bildirib ki, onilliyin sonuna qədər Rusiya ordusu çox güman ki, NATO-ya hücum edə biləcək.
...Almaniya Federal Kəşfiyyat Xidmətinin rəhbəri onu da qeyd edib ki, Moskva Ukraynaya qarşı müharibə zamanı əldə edilmiş döyüş təcrübəsi olan qoşunlara komandanlıq edir. Bundan əlavə, bunlar müasir döyüş üsullarını mənimsəmiş hərbi qulluqçulardır.
Bruno Kal Almaniya kəşfiyyatının qiymətləndirmələrinə də istinad edib, bu qiymətləndirmələrə görə, Rusiya rəhbərliyi fövqəladə vəziyyət zamanı NATO Nizamnaməsinin 5-ci maddəsinin tətbiq olunacağına şübhə edir.
...Moskva hökumətində belə əhval-ruhiyyə hökm sürürsə, o zaman yaxın illərdə hərbi toqquşma riski artacaq.
Qeyd edək ki, “Reuters” bunu Kaldan sitat gətirir
Almaniya kəşfiyyatının rəhbəri həmçinin qeyd edib ki, əgər Rusiya bir və ya bir neçə NATO müttəfiqinə hücum edərsə, bu, təcavüzkar məqsədlər üçün deyil, Qərbin birliyini pozmaq üçün müəyyən etdiyi qırmızı xətləri sınaqdan keçirmək olacaq.
NATO müqaviləsinin 5-ci maddəsində deyilir ki, Alyansın hər hansı üzv dövləti silahlı hücumun qurbanı olarsa, Alyansın bütün digər üzvləri istisnasız olaraq bu zorakılıq aktını hamısına qarşı silahlı hücum hesab edəcək və hücuma məruz qalan Alyansın üzvünə kömək etmək üçün məqsədəuyğun hesab etdikləri bütün tədbirləri görəcəklər.
Əli Babayev
