Bu gün futbol üzrə Avropa Liqasında 2024/2025-ci illər mövsümünün Liqa mərhələsində 5-ci turun oyunları keçirilib.
Arena.az xəbər verir ki, turun bütün görüşləri eyni gündə baş tutyb.
Maraqlı görüşlərdən biri İngiltərədə “Tottenhem” və “Roma” arasında baş tutub. Dörd qolluq bu matçda qalib müəyyənləşməyib. “Mançester Yunayted” də evdə oynayıb. Ruben Amorimin komandası Norveçin “Bodo Qlimt” kollektivini çətinliklə üstələyib.
Türkiyə klublarından “Qalatasaray” səfərdə “Alkmaar”ın (Niderland), “Fənərbaxça” “Slaviya”nın (Çexiya) qonağı olub. “Cim-Bom”un səfərdə xal itirdiyi gündə “Fənər” 3 xala sevinib. “Beşiktaş” isə Macarıstanda “Makkabi” (Təl-Əviv, İsrail) ilə qarşılaşmadan məğlubiyyətlə ayrılıb.
“Qarabağ”ın Liqa mərhələsindəki digər rəqibləri “Styaua” (Rumıniya) və “Olimpiakos” (Yunanıstan) isə Rumıniyada üz-üzə gəliblər. Bu oyunda qapılara qol vurulmayıb.
Qeyd edək ki, Avroliqanın Liqa mərhələsində 6-cı tura dekabrın 11-də start veriləcək.
Avropa Liqası
Liqa mərhələsi, 5-ci tur
28 noyabr
“Latsio” (İtaliya) – “Ludoqorets” (Bolqarıstan) 0:0
“Alkmaar” (Niderland) – “Qalatasaray” (Türkiyə) 1:1
Qollar: Miynans, 2 – Osimhen, 43.
“Qarabağ” (Azərbaycan) – “Olimpik” (Lion, Fransa) 1:4
Qollar: Juninyo, 88-pen – Mikautadze, 15; 80. Tolisso, 63. Fofana, 68.
“Dinamo” (Kiyev, Ukrayna) – “Viktoriya” (Plzen, Çexiya) 1:2
Qollar: Kabayev, 90+5 – Vidra, 55. Şults, 90.
“Atletik” (İspaniya) – “Elfsborq” (İsveç) 3:0
Qollar: Boiro, 6. Prados, 24. Quruseta, 54.
“Anderlext” (Belçika) – “Portu” (Portuqaliya) 2:2
Qollar: Deqref, 52. Amuzu, 86 – Qaleno, 24. Vyeyra, 83.
“Beşiktaş” (Türkiyə) – “Makkabi” (Təl-Əviv, İsrail) 1:3
Qollar: Rafa Silva, 38 – Kaniçovski, 24. Perets, 45+3. Patati, 80.
RFS (Latviya) – PAOK (Yunanıstan) 0:2
Qollar: Despodov, 2. Çalov, 59.
“Mançester Yunayted” (İngiltərə) – “Bodo Qlimt” (Norveç) 3:2
Qollar: Qarnaço, 1. Hoylund, 45; 50 – Evyen, 19. Zinkernagel, 23.
“Tottenhem” (İngiltərə) – “Roma” (İtaliya) 2:2
Qollar: Son, 5-pen. B.Conson, 34 – Ndika, 20. Hummels, 90+1.
“Slaviya” (Çexiya) – “Fənərbaxça” (Türkiyə) 1:2
Qollar: Çori, 7 – Dzeko, 35. En Nesiri, 85.
“Real Sosyedad” (İspaniya) – “Ayaks” (Niderland) 2:0
Qollar: Barreneçea, 67. Kubo, 85.
“Braqa” (Portuqaliya) – “Hoffenhaym” (Almaniya) 3:0
Qollar: Bruma, 2. R.Fernandes, 8. V.Karvalyo, 90+5.
“Ferentsvaroş” (Macarıstan) – “Malmö” (İsveç) 4:1
Qollar: Varqa, 8-pen; 11. K.Borges, 53. Sisse, 74 – Botheym, 18.
“Midtyulland” (Danimarka) – “Ayntraxt” (Almaniya) 1:2
Qollar: Kollins, 49-öz qapısına – Larsson, 7. Marmuş, 57-pen.
“Nitsa” (Fransa) – “Reyncers” (Şotlandiya) 1:4
Qollar: Buanani, 83 – Çerni, 35. Diomande, 38. İqamane, 45+3; 54.
“Styaua” (Rumıniya) – “Olimpiakos” (Yunanıstan) 0:0
“Tvente” (Niderland”) – “Yunion” (Belçika) 0:1
Qol: Fuseini, 11.
