Yevlaxda sərnişin avtobusu TIR-a çırpılıb.
DİN-in Baş Dövlət Yol Polisi İdarəsindən Bizim.Media-ya verilən məlumata görə, hadisə bu gün saat 10:50 radələrində Bakı-Qazax-Gürcüstan ilə dövlət sərhədi avtomobil yolunun 285-ci kilometrliyində, Yevlax şəhəri ərazisində qeydə alınıb.
Qəza zamanı “SCANIA” markalı, 90-JY-168 dövlət qeydiyyat nişanlı yük avtomobili eyni istiqamətdə hərəkətdə olan “Mercedes” markalı, 99-XA-830 dövlət qeydiyyat nişanlı avtobusla toqquşub.
Nəticədə, avtobusda olan sərnişinlərdən bir nəfər xəsarət alıb. Hadisə yerinə DYP əməkdaşları cəlb olunub, faktla bağlı araşdırma aparılır.
Bizim.Media, Qarabağ bürosu
