İraqın şimalındakı Hakurk və Qara bölgələrinə təşkil edilən hava əməliyyatı ilə 13 PKK terrorçusu zərərsizləşdirilib.
Bu barədə Türkiyənin Milli Müdafiə Nazirliyinin sosial media hesabında yayımlanan açıqlamada bildirilib.
Açıqlamada “Zap bölgəsinin kilidini bağlayan Türk Silahlı Qüvvələrimiz İraqın şimalında terroru mənbəyində məhv etmək üçün gözlənilməz, qeyri-adi, sürətli və davamlı əməliyyatları davam etdirir. Nəhayət, Hakurk və Qara bölgələrində müəyyən edilən 13 PKK terrorçusu hava əməliyyatı ilə zərərsizləşdirilib.
Harada olurlarsa olsunlar, Mehmetçik terrorçularla mübarizəsini davam etdirəcək!”- deyə bildirilib.
