Kanadanın baş naziri Castin Trüdo, ABŞ-ın yeni seçilmiş prezidenti Donald Trampla görüşmək üçün Floridaya yola düşüb.
Teleqraf.com xəbər verir ki, bu barədə “Bloomberg” məlumat yayıb.
Castin Trüdo cümə günü axşam saatlarında Trampın iqamətgahı olan Palm-Biçə uçub. Kanadanın baş nazirinin, cümə günü ABŞ-ın yeni seçilmiş prezidenti ilə danışıqlar aparacağı gözlənilir.
Qeyd edək ki, noyabrın 25-də Tramp prezident kimi fəaliyyətə başladığı ilk gündə, qeyri-qanuni immiqrasiya və narkotik qaçaqmalçılığı ilə əlaqədar olaraq, Kanada və Meksikadan gələn bütün mallara 25% rüsum tətbiq edəcəyini açıqlamışdı.
Meksika prezidenti Klaudiya Şeynbaum, Trampın bu addımına cavab olaraq, öz növbəsində rüsumlar tətbiq edəcəyini bəyan edib.
Müəllif: Teleqraf.com
