Suriya Silahlı Qüvvələri Rusiya Aerokosmik Qüvvələri ilə birlikdə son 24 saat ərzində İdlib, Həma və Hələbdə azı 320 silahlı, həmçinin 63 texnikanı məhv edib.
Bu barədə Suriyada Müharibə edən Tərəflərin Barışdırılması üzrə Rusiya Mərkəzinin (CPVS) rəhbərinin müavini, birinci dərəcəli kapitan Oleq İqnasyuk açıqlama verib.
O qeyd edib ki, raket və bomba hücumlarının hədəfi yaraqlıların və texnikanın toplandığı yerlər, eləcə də sursat və silah anbarları, MLRS və artilleriya mövqeləri, nəzarət məntəqələri olub.
“Ən azı 320 yaraqlı, 63 maşın və zirehli texnika məhv edilib”, – İqnasyuk bildirib.
Bundan əvvəl Suriyanın SANA agentliyi Rusiya və Suriyanın Hələb şəhərinə endirdiyi aviazərbələr nəticəsində onlarla yaraqlının öldürüldüyü və yaralandığı barədə məlumat vermişdi.
DOĞRU.AZ
