Azərbaycan Premyer Liqasının XV turunda keçirilmiş "Neftçi" - "Qarabağ" oyununda mövsümün azarkeş rekordu qeydə alınıb.
seher.media xəbər verir ki, "Neftçi Arena"dakı Azərbaycan derbisini tribunadan 7 069 tərəfdar izləyib.
Buna qədər cari mövsümün rekordu da məhz Ağdam təmsilçisinin matçında qeydə alınıb. "Köhlən atlar"ın IX turda səfərdə "Sumqayıt"ı məğlub etdiyi (1:0) görüşü 7000 fanat izləmişdi.
Qeyd edək ki, "Qarabağ" bu dəfə "Neftçi"ni üç cavabsız qolla üstələyib.
