Qazaxıstan və Rusiya prezidentləri Kasım - Jomart Tokayev və Vladimir Putin Astanada altı saat təkbətək danışıblar.
Oxu24.com xarici KİV-ə istinadən xəbər verir ki, bu barədə Rusiyanın Qazaxıstandakı səfiri Aleksey Borodavkin “Moskva -Astana: Yaradıcı şəhərlər” forumunda bildirib.
Putin noyabrın 27-28-də Qazaxıstana dövlət səfəri edib. Nəticədə iki ölkə liderləri tərəfdaşlığın dərinləşdirilməsinə dair 20-yə yaxın sənəd imzalayıblar.
"Rəsmi danışıqlardan əlavə, prezidentlərimiz arasında, hətta ən ümumi hesablamalara görə, altı saata yaxın davam edən qeyri-rəsmi danışıqlar da olub: onlar bir-biri ilə təkbətək ünsiyyətdə olublar", - Borodavkin bildirib.
