Premyer Liqanın cari mövsümündə uğurlu çıxışı ilə diqqət çəkən “Araz-Naxçıvan” Azərbaycan çempionatlarında 30-cu qələbəsini qazanıb.
Arena.az xəbər verir ki, bu yubiley Azərbaycan Premyer Liqasının 2024/2025-ci illər mövsümünün 15-ci turuna təsadüf edib.
Elmar Baxşıyevin baş məşqçi olduğu komanda öz meydanında “Turan Tovuz”a 1:0 hesabı ilə qalib gəlib.
Naxçıvan təmsilçisi 30-cu qələbəsini 93-cü oyunda əldə edib. Bu qələbələrdən 19-u evdə, 11-i səfərdə qazanılıb.
“Araz-Naxçıvan”ın ilk uğuru 2000/01 mövsümünə təsadüf edib. Muxtar Respublikanın təmsilçisi 2000-ci il avqustun 20-də səfərdə Quba “Şahdağ”ına 1:0 hesabı ilə qalib gəlib.
Qeyd edək ki, Naxçıvan klubu ölkə çempionatlarında 30 və daha çox qələbə qazanan 33-cü komandadır.
