Cari mövsümdə bərbad çıxışı ilə idman ictimaiyyətinin diqqət mərkəzində olan "Neftçi" Azərbaycan çempionatlarında 20-ci dəfə böyük hesabla məğlubiyyətlə tanış olub.
Offsideplus.az xəbər verir ki, bu, Azərbaycan Premyer Liqasının 15-ci turuna təsadüf edib.
"Ağ-qaralar" öz meydanında "Qarabağ"la qarşılaşıb. Meydan sahibləri 0:3 hesabı ilə yeniliblər.
1992-ci ildən ölkə çempionatlarının daimi iştirakçısı olan "Neftçi" 6 dəfə evdə, 14 dəfə səfərdə üç və ya daha çox top fərqi ilə uduzub. İlk belə məğlubiyyət 1992-ci il mövsümündə Sumqayıt "Xəzər"i ilə səfər matçına təsadüf edib 0:3.
