5,1 bal gücündə zəlzələ qonşu ölkəni silkələdi

Kamçatkada 5,1 bal gücündə zəlzələ baş verib. SİA xəbər verir ki, bu barədə Rusiya Fövqəladə Hallar Nazirliyinin region üzrə mətbuat xidməti məlumat yayıb. Seysmik hadisənin episentri Petropavlovsk-Kamçatskidən 155 kilometr şimal-şərqdə, Kronotski körfəzində yerləşib. "Zəlzələ dekabrın 2-də səhər saatlarında 58 km dərinlikdə baş verib", - məlumatda deyilir. Departament qeyd edib ki, Petropavlovsk-Kamçatskinin bəzi ərazilərində yeraltı təkanlar 2 bal gücündə hiss olunub. Ekspertlər sunami təhlükəsi elan etməyiblər.