İranda 2022-ci ilin sentyabrında başlayan və təxminən 4 aya yaxın davam edən etirazlarla əlaqədar edam hökmü ləğv edilən reper Tumac Salehinin azadlığa buraxıldığı bildirilib.
Sitat.info xəbər verir ki, İranlı rep ifaçısı Tumac Salehinin vəkili Əmir Rəisiyan X sosial media hesabında paylaşdığı açıqlamada müvəkkilinə İsfahan İnqilab Məhkəməsinin verdiyi edam hökmünün Ali Apellyasiya Məhkəməsinin 39-cu Palatası tərəfindən ləğv edildiyini bildirib.
"Reuters" xəbər agentliyinin məlumatına görə, İran Ədliyyəsinin Mizan xəbər agentliyi Salehinin 1 illik həbs cəzasının icrasından sonra bazar günü, dekabrın 1-də azadlığa buraxıldığını qeyd edib.
Seymur BƏNNAYEV
Sitat.info
