Əvvəlcə onun agenti Riç Kleyman X sosial şəbəkəsində bunları yazıb:
“Bu gün dünyada o qədər nifrət və neqativ var ki... Anlamıram ki, niyə milli idman mediası hələ də belə hesab edir ki, idmanı işıqlandırmağın ən yaxşı yolu hər şeyə neqativ baxış bucağından yanaşmaqdı. Şəxsən mən belə hesab edirəm ki, bütün bunlar boşuna vaxt itkisidi”.
Lebron isə onun paylaşımına belə şərh yazıb:
“AMİN! Hər birinizi salamlayıram! Bu andan etibarən sosial şəbəkələri tərk edirəm. Özünüzü qoruyun”.
39 yaşlı amerikalı ulduz “Leykers”in çərşənbə günü “Yuta” üzərində qələbə qazanmasından (124:118) sonra internetdə kəskin tənqidə məruz qalıb.
