Rumıniya çempionatında 17-ci tura yekun vurulub.
QOL.az xəbər verir ki, turun son oyununda UEFA Avropa Liqasında “Qarabağ”ın rəqiblərindən olan FCSB səfərdə “Otelul”la üz-üzə gəlib. Matç qonaqların 4:1 hesablı qələbəsi ilə yekunlaşıb.
Bu qələbə sayəsində FCSB xallarının sayını 30-a çatdırmaqla turnir cədvəlində üçüncü pilləyə yüksəlib. Buxarest təmsilçisi lider ÇFR-dən cəmi 1 xal geri qalır.
Qeyd edək ki, FCSB "Qarabağ"la Avropa Liqasının Liqa mərhələsinin 7-ci turunda, gələn il yanvarın 23-də Bakıda qarşılaşacaq.
