İran prezidenti Məsud Pezeşkian Suriyadakı hadisələri müzakirə etmək üçün yaxın vaxtlarda rusiyalı həmkarı Vladimir Putinlə şəxsən görüşəcək, İranın İRNA xəbər agentliyi X hesabında bildirib.
Rusiya prezidentinin mətbuat katibi Dmitri Peskov bildirib ki, Pezeşkyanın Rusiyaya səfəri hələlik planda deyil və ilin sonuna qədər baş tutmayacaq. Lakin lazım gələrsə, bu, tez bir zamanda razılaşdırıla bilər, Peskov əlavə edib.
Bundan əvvəl Putin iranlı həmkarı ilə telefon danışığı aparıb.
Siyasətçilər əsas diqqətlərini “Suriya Ərəb Respublikasındakı vəziyyətin gərginləşməsinə” yönəldiblər. Onlar vəziyyəti “terrorçu qrupların genişmiqyaslı təcavüzü” kimi qiymətləndiriblər.
Söhbət zamanı prezidentlər həmçinin Rusiya-İran əməkdaşlığının müxtəlif sahələrdə inkişafını müzakirə ediblər.
Oxuməni.az
