Hazırda paytaxt Bakıda müşahidə edilən yağışlı hava şəraiti səbəbindən yollarda nəqliyyat vasitələrinin hərəkət sürəti azalıb...
Bu səbəbdən bir neçə küçə və prospektdə sıxlıq müşahidə olunur.
Poliqon xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi (NİİM) məlumat yayıb.
Qeyd edilib ki, bəzi sürücülərin avtomobil idarə edərkən düzgün ara məsafəsi saxlamaması səbəbindən bir neçə yol-nəqliyyat hadisəsinin baş verməsi, texniki nasaz nəqliyyat vasitələrinin yolda qalması da sıxlıq olmayan yollarda belə nəqliyyatın hərəkətində problemlər yaradıb. NİİM əməkdaşları müşahidə kameraları vasitəsilə yollardakı vəziyyəti nəzarətdə saxlayır, sıxlıqların aradan qaldırılması məqsədilə yol polisi tərəfindən tədbirlər görülür.
Hazırda yollardakı vəziyyət:
1. 28 May küçəsi, Puşkin küçəsi ilə kəsişmədən Rəşid Behbudov küçəsi ilə kəsişməyə qədər;
2. Dilarə Əliyeva küçəsi, Puşkin küçəsi ilə kəsişmədən Rəşid Behbudov küçəsi ilə kəsişməyə qədər;
3. Afiyəddin Cəlilov küçəsi, Yusif Səfərov küçəsi istiqamətində;
4. Üzeyir Hacıbəyli küçəsi, Azadlıq prospekti ilə kəsişməyə qədər;
5. Yusif Səfərov küçəsi, mərkəz istiqamətində;
6. Yusif Səfərov küçəsi, Heydər Əliyev prospekti istiqamətində;
7. Babək prospekti, mərkəz istiqamətində;
8. Bakıxanov küçəsi, İnşaatçılar prospekti ilə kəsişmədən "Dədə Qorqud" parkı istiqamətində;
9. Akademik Həsən Əliyev küçəsi, Tbilisi prospekti istiqamətində;
10. Akademik Həsən Əliyev küçəsi, Koroğlu Rəhimov küçəsi istiqamətində;
11. Azadlıq prospekti, Salatın Əsgərova küçəsi ilə kəsişmədən Dilarə Əliyeva küçəsi ilə kəsişməyə qədər;
12. Əbdülvahab Salamzadə küçəsi, Ziya Bünyadov prospekti istiqamətində;
13. Tbilisi prospekti, "20 Yanvar" metro stansiyasından mərkəz istiqamətində;
14. Tbilisi prospekti, İzmir küçəsi ilə kəsişmədən "20 Yanvar" metro stansiyası istiqamətində;
15. Alı Mustafayev küçəsi, Ziya Bünyadov prospekti istiqamətində;
16. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metro stansiyası istiqamətində sıxlıq müşahidə olunur.
***
Yağış yenidən Bakı küçələrini keçilməz edib.
Oxu.Az xəbər verir ki, bu barədə sosial şəbəkələrdə paylaşımlar edilib.
Qeyd olunub ki, hazırda metronun "Memar Əcəmi" və "Avtovağzal" stansiyalarının ətrafı daxil olmaqla Bakının bir çox küçələrində yol keçmək piyadalar üçün mümkünsüz olub.
Xatırladaq ki, bir neçə gün əvvəl (noyabrın 26-da) Bakı Şəhər İcra Hakimiyyətinin tapşırıqlarına uyğun olaraq, paytaxtın Sabunçu, Suraxanı və Xətai rayonlarında qışa hazırlığın vəziyyəti ilə bağlı şəhərin rayonlarında kommunal, təsərrüfat xidmətləri, idarə və təşkilatlarının, təhsil müəssisələrinin, özəl sektorun nümayəndələrinin iştirakı ilə müşavirələr keçirilib və onlara müvafiq tapşırıqlar verilib.
Poliqon.info
