“Sabah” futbol üzrə Azərbaycan Kubokunda 2024/2025-ci illər mövsümünün 1/4 final mərhələsinə vəsiqə qazanıb.
Arena.az xəbər verir ki, paytaxt təmsilçisi 1/8 final mərhələsi çərçivəsində bu gün Tovuz şəhər stadionunda “Turan Tovuz”la üz-üzə gəlib.
Qarşılaşmanın əsas və əlavə vaxtı 2:2 bərabərliklə yekunlaşıb. Bu üzdən qalibi müəyyənləşdirmək üçün penaltilər seriyasına ehtiyac duyulub. 11 metrlik cərimə zərbələrini daha dəqiq yerinə yetirən (3:1) Vasili Berezutskinin rəhbərlik etdiyi kollektiv növbəti mərhələyə adlayıb. “Bayquşlar”ın 1/4 finaldakı rəqibi “Sumqayıt” – MOİK cütünün qalibi olacaq.
Xatırladaq ki, daha əvvəl baş tutan matçların nəticələrinə görə “Səbail” və “Araz-Naxçıvan” da 1/4 finala vəsiqə əldə etmişdilər.
Azərbaycan Kubokunda 1/8 final mərhələsinə dekabrın 3-də yekun vurulacaq.
Azərbaycan kuboku
1/8 final
3 dekabr
Turan Tovuz – Sabah 2:2 (penaltilər 1:3)
Qollar: Aleks Souza, 28. Otto Con, 113 – Con İrasabal, 45+2. Nenad Kupusoviç, 118.
Hakimlər: İnqilab Məmmədov, Namik Hüseynov, Rahil Ramazanov, Nicat İsmayıllı.
VAR: Rəşad Əhmədov.
AVAR: Cəmil Quliyev.
Hakim-inspektor: Rövşən Əhmədov.
Tovuz şəhər stadionu.
Turan Tovuz: 41. Sergey Samok, 4. Şəhriyar Əliyev (k), 10. Xəyal Nəcəfov, 88. Faiq Hacıyev, 99. Sadiq Şəfiyev, 9. Kristian da Silva, 23. Alexandro Serrano, 15. Emmanuel Hakman, 25. Denis Marandiç, 6. Araş Qaderi, 21. Aleks Souza.
Ehtiyat oyunçular: 1. İvan Konovalov, 71. Mehman Hacıyev, 33. Eltun Turabov, 8. Tural Bayramlı, 11. Ayxan Hüseynov, 7. İsmayıl Zülfüqarlı, 13. Fərid Yusifli, 44. Rüfət Əhmədov, 77. Veysəl Rzayev, 70. Məzahir Məmmədzadə, 20. İbrahim Ramazanov, 80. Otto Con.
Baş məşqçi: Kurban Berdiyev.
Sabah: 1. Yusif İmanov, 10. Namiq Ələsgərov, 17. Tellur Mütəllimov, 8. Ayaz Quliyev, 2. Amin Seydiyev, 7. Boyan Letiç, 20. Coy Lens Mikels, 18. Pavol Şafranko (k), 40. İqor Noqeyra, 70. Jesse Sekidika, 3. Con İrasabal.
Ehtiyat oyunçular: 75. Emil Həbibov, 94. Rəvan Mirzəmmədov, 4. Elvin Camalov, 9. Anatoli Nuriyev, 5. Rəhman Daşdəmirov, 77. Şakir Seyidov, 6. Abdulla Xaybulayev, 22. Abdulla Rzayev, 88. Xəyal Əliyev, 44. Sofian Çakla, 11. Kahim Parris, 99. Neqoş Kupusoviç.
Baş məşqçi: Vasili Berezutski.
