Tanınmış şair Şəhriyar del Gerani Azərbaycan Yazıçılar Birliyindən (AYB) və üzv olduğu Yeni Azərbaycan Partiyasından (YAP) istefa verdiyini bildirib.
Modern.az-ın məlumatına görə, bu barədə şair sosial şəbəkədəki paylaşımında bildirib.
Xəbəri “YAP-dan istefa və ya Bioqrafiya şeiri” adı ilə paylaşan Şəhriyar del Gerani giley-güzar da edib.
Şeirdə ailə vəziyyəti barədə məlumat verən şair 19 ildir ki, Bakıda kirayələrdə qaldığını vurğulayıb.
“Kirayədə yaşayıram 19 ildir.
Küçədə yaşamıram
şükür,
amma
evim də yoxdur”, - deyə o qeyd edib.
Daha sonra o, şeirdə istefa verdiyini diqqətə çatdırıb:
“Bu şeirlə çıxıram -
Azərbaycan Yazıçılar Birliyindən! - dən.
Çıxıram
Yeni Azərbaycan Partiyası üzvlüyündən! - dən”.
