Mənzil İnşaatı Dövlət Agentliyi (MİDA) tərəfindən Sumqayıt və Lənkəranda yaşayış komplekslərində mənzillərin satış prosesi uğurla başa çatıb. Mənzillər qısa müddətdə vətəndaşlar tərəfindən uğurla seçilib.
“APA-Economics” xəbər verir ki, bunu MİDA-nın Beynəlxalq Əlaqələr və Strateji Planlaşdırma şöbəsinin müdiri Cəmşid Əmirov deyib.
“Əvvəlki satışlarda olduğu kimi, bu satışda da MİDA tərəfindən müvafiq təhlükəsizlik tədbirləri tətbiq edilib. Bunun əsas məqsədi, mənzil seçiminin müxtəlif proqram təminatları vasitəsilə müdaxilə edilməsinin qarşısının alınmasıdır”, – Cəmşid Əmirov qeyd edib.
O bildirib ki, mənzil seçimi prosesi zamanı hər hansı müdaxilələrin qarşısı alınıb.
