Krım sahillərində Rusiyanın təbii qaz platformasına hücum olunub.
Vətəninfo.az xəbər verir ki, Ukrayna ordusuna məxsus pilotsuz təyyarə Rusiyanın dəniz gəmisi platformasına kamikadze hücumu edib.
Partlayış olub, yanğın başlayıb, platforma yararsız hala düşüb.
Rusiya da qarşılığında Ukraynanın şəhərlərini hədəfə alıb. Zaporojyedəki hücumda 10 adam həyatını itirib, üçü uşaq olmaqla 24 nəfər yaralanıb. Çox sayda ev, iş yeri və avtomobilə ziyan dəyib.
Rusiya qüvvələri raketlərlə Krivı Roqa da hücum edib. Biri uşaq olmaqla 3 nəfər dünyasını dəyişib, binalar zədələnib.
Xatırladaq ki, Amerika Birləşmiş Ştatlarının Ukraynaya hərbi dəstəyi davam edir. ABŞ Müdafiə Nazirliyi Ukraynaya əlavə 988 milyon dollarlıq hərbi yardım edəcəyini də açıqlayıb. Bildirilib ki, hərbi yardım Ukraynaya Rusiyanın təcavüzünə qarşı lazım olan materialları çatdırmaq məqsədi daşıyır.
Digər tərəfdən, Fransa prezidenti Emmanuel Makron, Ukrayna prezidenti Volodimir Zelenski və ABŞ-ın 47-ci prezidenti seçilən Donald Tramp Fransanın paytaxtı Parisdə Rusiya-Ukrayna müharibəsini müzakirə ediblər.
