Fikir çəkmə, telefona çək!
CINEMO Beynəlxalq Mobil Film Festivalının Qala Gecəsi - Mükafatlandırma Mərasimi 13 dekabr tarixində keçiriləcək. Bu barədə festivalının təsisçisi və direktoru, kinoaktyor Ruslan Sabirli məlumat verib: "Nizami Kino Mərkəzində 11 dekabr saat 11:00-dən 17:00-dək filmlərin nümayişi baş tutacaq, qaliblərinin adları isə 13 dekabr saat 19:00-da Qala Gecəsində - Mükafatlandırma Mərasimində elan olunacaq. Mükafatlandırma Mərasimi həmişəki kimi ölkəmizin tanınmış simalarının iştirakı ilə maraqlı proqram ilə keçiriləcəkdir".
Xatırladaq ki, festivalda filmlər beynəlxalq və yerli nominasiyalar üzrə iştirak etmişdir:
- Beynəlxalq: Ən yaxşı bədii film, Ən yaxşı sənədli film, Ən yaxşı sosial çarx, Ən yaxşı musiqi klipi, "CINEMO TikTok".
- Yerli (yalnız Azərbaycan): Ən yaxşı bədii film, Ən yaxşı sənədli film, Ən yaxşı sosial çarx.
SBRLY tərəfindən keçirilən "Fikir çəkmə, telefona çək" sloqanlı II CINEMO Beynəlxalq Mobil Film Festivalı Azərbaycan Respublikası Mədəniyyət Nazirliyi, Azərbaycan Respublikası Kino Agentliyi və TikTok platformasının dəstəyi ilə keçirilir.
Qaliblərin Mükafatlandırma Mərasimi Mərkəzi Asiya və Qafqaz üzrə TikTok yayımçıları icmasının rəsmi səhifəsində https://www.tiktok.com/@tiktoklive_eecca canlı yayımlanacaq.
Təqdim edilmiş filmlər arasından Münsiflər Heyəti qalibləri müəyyən edəcək. Festivalda iştirak şərtləri, filmlərə tələblər, mükafat fondu və s. barədə ətraflı məlumatı festivalın internet səhifəsindən almaq olar: www.cinemoff.com
Yaranmış bütün suallarla bağlı festivalın email ünvanına və sosial şəbəkə hesabları üzərindən müraciət etmək mümkündür:
Email: [email protected]
Facebook: https://www.facebook.com/cinemoff
Instagram: https://www.instagram.com/cinemoff/
İnformasiya dəstəyi - Trend.Az, Day.Az, Milli.Az, Azernews.Az, Turkic.world
