Avropa Liqasının “Elfsborq” – “Qarabağ” oyununun hakimləri bəlli olub.
İdman.biz xəbər verir ki, Liqa mərhələsinin VI turunun matçını portuqaliyalı ədalət təmsilçiləri idarə edəcək.
Dekabrın 12-də baş tutacaq qarşılaşmada Antonio Nobre fit çalacaq. Ona Pedro Ribeyro və Nelson Pereyra kömək edəcəklər. VAR assistenti isə Andre Narkiso olacaq. Matçın dördüncü hakimi və VAR hələ dəqiqləşməyib.
Qeyd edək ki, dekabrın 12-dən 13-nə keçən gecə “Boraş Arena”da keçiriləcək “Elfsborq” – “Qarabağ” görüşü Bakı vaxtı ilə saat 00:00-da başlayacaq.
İdman.biz
