Gürcüstan parlamenti səkkiz deputatın səlahiyyətlərini ləğv edib.
Paytaxt.org xəbər verir ki, bu barədə “Sputnik Gürcüstan” məlumat yayıb.
Onların arasında hakim "Gürcü Arzusu" partiyasının fəxri sədri Bidzina İvanişvili və partiyanın sədri İrakli Qaribaşvili də var.
Onlar öz istəkləri ilə vəzifələrini tərk ediblər.
Qalan 6 deputatın səlahiyyətlərinin ləğv edilməsinə səbəb deputat vəzifəsinin onların tutduğu postlarla uyğun olmamasıdır:
⚫️ İrakli Kobaxidze – Baş nazir;
⚫️ Maka Boçorişvili – Xarici işlər naziri;
⚫️ Anri Oxanaşvili – Ədliyyə naziri;
⚫️ Mariam Kvrivişvili – İqtisadiyyat nazirinin müavini;
⚫️ Davil Songulaşvili – Ətraf mühitin mühafizəsi və kənd təsərrüfatı naziri;
⚫️ Mixail Kavelaşvili – Gürcüstanın prezidentliyinə namizəd.
Onların yerlərini hakim partiyanın növbəti siyahı üzvləri tutacaq.
Musavat.com
