Braziliyalı futbol əfsanəsi, “Real”ın keçmiş hücumçusu Ronaldo Madrid klubunun fransalı ulduzu Kilian Mbappe barədə fikirlərini bölüşüb.
Arena.az “Yekədiş”in bu barədə fikrini təqim edir:
“Futbolda hər şey ola bilər. Kiçik xüsuslara çox diqqət yetirməyə gərək yoxdur. Mbappe “Real” üçün çox şey deməkdir. O, Madrid klubunda həyati rol oynayacaq”, deyə Ronaldo vurğulayıb.
Fransa Futbol Federasiyasının (FFF) prezidenti Filipp Diallo da oktyabr və noyabr aylarında Fransa yığmasının düşərgəsinə cəlb edilməmiş, “xoruzlar”ın və “Real”ın ulduz hücumçusu Kilian Mbappenin oyun səviyyəsindən danışıb:
“Kilian Mbappe hazırda çətin dövrlər yaşayan, planetin ən yaxşı oyunçularından biridir. Bunu hamı görür. Karyerasının lap əvvəlində göstərdiyi səmərə ilə müqayisədə Mbappe indi daha aşağı səviyyə nümayiş etdirir”, deyə Diallo vurğulayıb.
“Maribor”un və Sloveniya yığmasının hücumameylli yarımmüdafiəçisi Yosip İliçiç də Kilian Mbappe haqda danışıb. Sloven futbolçu bunları vurğulayıb:
“Fransada o, özünü daha təhlükəsiz hiss edə bilərdi. Madriddə isə tələblər mütləqdir: qol vurmağı dayandıran kimi, sən daha heç kimə gərək deyilsən”, deyə İliçiç vurğulayıb.
