İqtisadi əlaqələrin möhkəmləndirilməsi məqsədilə Dağıstan sahibkarlarının Azərbaycana biznes missiyası təşkil olunub.
Dağıstanın İxraca Dəstək Mərkəzinin məlumatına görə, biznes-missiyada iqtisadiyyatın müxtəlif sahələri - beton qarışdırıcıların istehsalından tutmuş balıq və qənnadı məmulatlarının tədarükü ilə məşğul olan üç Dağıstan şirkəti təmsil olunur. İştirakçılar birgə əməkdaşlıq, təcrübə mübadiləsi və yeni ticarət əlaqələrinin qurulması imkanlarını müzakirə edirlər.
Dekabrın 13-dək davam edəcək biznes-missiya çərçivəsində Azərbaycanın dövlət qurumlarının nümayəndələri və 15-dən çox iri şirkətin rəhbərliyi ilə görüşlər keçiriləcək.
